Category Archives: இலவசம்

மொபைலில் வீடியோ

Kyte.tv பற்றிக் கேள்விப்பட்டதில்லை. நோக்கியா இதில் முதலீடு செய்திருக்கிறது என்று எங்கோ படித்ததும் போய்ப் பார்த்தேன். Kyte என்ற அதன் பக்காவான மொபைல் மென்பொருளை என் மொபைலில் நிறுவிக்கொண்டேன். என்னுடைய படு சுமாரான GPRS இணைப்பிலேயே பரவாயில்லாமல் தெரிந்தது வீடியோ. ஆனால் ஸ்டாம்ப் சைஸில்.

கைட் வலையகம் மற்ற வீடியோ பகிர்வு வலையகங்களை விட நன்றாக இருக்கிறது. இது ஒரு நல்ல தொடக்கம். நோக்கியாவின் பலத்தில் கைட் மொபைல் யூட்யூப் ஆகுமா என்று பார்க்க வேண்டும்.

நான் செய்த ஸ்லைட் ஷோ

தலைவரின் முகம்

நாஜிகளின் பிடியில் டொனால்டு டக் மாட்டிக்கொண்டு படும் பாட்டை இந்த வால்ட் டிஸ்னி அனிமேஷன் படத்தில் கண்டு களிக்கலாம்.

1943இல் நாஜிகளுக்கு எதிரான பிரச்சாரப் படம் இது. ஆஸ்கர் விருது கூட வாங்கியிருக்கிறது. எட்டு நிமிட வீடியோ. நல்ல டைம் பாஸ்.

Der Fuehrer’s Face

இலவச ஸ்டாக் ஃபோட்டோ

மேலே தலைப் படம் (header) மாறிவிட்டதைப் பார்த்தீர்களா? இலவச ஸ்டாக் ஃபோட்டோ உபயம்தான்.

தேடிய இடம் everystockphoto. அது என்னை stock.xchng-இல் கொண்டு போய் விட்டது. இந்த ஸ்டாக் எக்ஸ்சேஞ்சில் இலவசமாக உறுப்பினர் ஆகி எவ்வளவு படங்களை வேண்டுமானாலும் பயன்படுத்திக்கொள்ளலாம்.

yotophoto கூட உண்டு. ஆனால் கொஞ்சம் ஸ்லோ.

Kubrick தீமுக்கு இலவச ஹெடர் படங்கள்

வேர்ட்பிரஸ்காரர்கள் Kubrick தீமுக்கு ஹெடர் படத்தை மாத்திக்குங்கடா என்று சொல்லிவிட்டார்கள்.

குப்ரிக் தீமைப் போட்டிருப்பவர்களுக்காக ஹெடர் படங்களை இலவசமாகத் தருகிறார் ஒருவர். இவர் ஒரு திறமை மிகு டிஜிட்டல் கலைஞர். நம்மூர்க்காரர்.

ஹெடர்கள் இருக்கும் இடம்.

ஹாலிவுட் இலக்கியம்

ஹாலிவுட்டில் எல்லா படமும் குப்பை இல்லை. சினிமா என்ற கலையையும் மனித மூளையின் திறனையும் மதித்தும் சில படங்கள் வருகின்றன.

எந்த மாதிரிப் படமாக இருந்தாலும் திரைக்கதையை டவுன்லோட் செய்து படிக்க இங்கே போகலாம் (ஹிட்ச்காக், அன்டோனியோனி வகையறா கூடக் கிடைக்கிறது).

லூசு மாதிரி லே அவுட் போட்டிருக்கிறார்கள்.

கும்பல் 2.0

ஆர்க்குட், மைஸ்பேஸ் போல இந்தியர்களுக்காக ஆரம்பிக்கப்பட்டிருக்கும் சைட் minglebox. வயசுப் பசங்களுக்கு (பொண்ணுங்க included) மட்டும்.

டெம்ப்ளேட் இல்லாத வலைப்பதிவுகள், வலைப்பக்கங்கள், புகைப்பட ஆல்பங்கள், மின்குழுக்கள் போன்றவை இலவசம். டிசைனை மாற்றினால் இன்னும் கொஞ்சம் பேர் உள்ளே நுழைந்து பார்ப்பார்கள்.

உலகிலேயே அழகான 3D பெண்கள்

கணினியில் 3டி தொழில்நுட்பத்தைப் பயன்படுத்தி அழகான பெண் உருவங்களை உருவாக்குவதற்காகவே ஒரு பத்திரிகை! The most beautiful CG girls என்ற இந்தப் பத்திரிகையை இலவசமாக டவுன்லோட் செய்துகொள்ளலாம். சுமார் 15 எம்.பி. பி.டி.எஃப். ஃபைல். பிரமிப்பூட்டும் படங்கள்!